Հարգելի  Termine, բարև Ձեզ: Միջփորոքային միջնապատի դեֆեկտը ներարգանդային զարգացման արատ է: Այդ երեխաների մոտ հիմնականում իմունիտետը ցածր է, հարկավոր է անընդհատ իմունիտետը բարձրացնող միջոցներ տալ: Ցանկալի է դիմել տեղամասային մանկաբույժին:

Հարգելի  Luiza, միջփորոքային միջնապատի դեֆեկտը ներարգանդային զարգացման արատ է և կախված, թե դեֆեկտը  միջնապատի որ հատվածում է, այն կարող է ինքնուրույն փակվել կամ լինել վիրահատության կարիք:,Եթե դեֆեկտը միջնապատի մկանային հատվածում է,,ապա այն ժամանակի ընթացում փակվում է և խնդիրներ չի առաջացնում:,Եթե դեֆեկտը շարակցահյուսվածքային հատվածում է,,ապա կարող է առաջանալ վիրահատության կարիք,կապված դեֆեկտի չափերից: Ամեն դեպքում անհրաժեշտ է անընդհատ հսկողություն:

Հարգելի Mariam, բարև Ձեզ: Դա կախված է օրգանիզմի ընդհանուր վիճակից, սրտի ֆունկցիոնալ վիճակից: Հարկավոր է խորհրդակցել սրտաբանի հետ: Բազմաթիվ կանայք հղիանում և ծննդաբերում են սրտային խնդրիներով: Հուսահատվել պետք չէ:

Հարգելի Veronika, բարև Ձեզ: Բաց զարկերակային ծորանի կամ այլ կերպ ասած բաց Բոտալյան ծորանի դեպքում կլինիկական ախտանիշներ դիտվում են 9մմ և ավելի տրամագծի դեպքում: 2-2.5մմ բավականին փոքր է, հնարավոր է, որոշ ժամանակ անց ինքնուրույն փակվի, նույնիսկ չփակվելու դեպքում, դեղորայքային բուժումը բավական կլինի: Հարկավոր է ուղղակի պարբերաբար հետազոտել և գտնվել բժշկի հսկողության տակ:

Հարգելի Veronika,օվալաձև անցքը գտնվում է միջնախասրտային միջնապատի վրա,այն ներարգանդային կյանքի ընթացքում ապահովում է կապը արյան մեծ և փոքր շրջանառությունների միջև,քանի որ դեռ թոքերը չեն մասնակցում շնչառությանը:Երեխայի ծնվելուց հետո այն փակվում է երեխայի կյանքի առաջին 1-1.5 տարիների ընթացքում:Անհանգստանալու կարիք այժմ չկա:Խորհուրդ է տրվում դինամիկ հսկողություն:Եթե մինչև նշված ժամկետները այն ինքնուրույն չի փակվում,ապա կախված դրա չափերից և առկա կլինիկական դրսևորումներից որոշվում է հետագա բուժման պլանը:Մեծ չափի օվալ անցքի դեպքում,որը ունի կլինկիկական դրսևորումներ,հնարավոր է լինի վիրահատության կարիք:Մեծ մասամբ անցքը ինքնուրույն փակվում է և վիրահատության կարիք չի լինում, բաց օվալ անցքը չի խանգարում երեխայի նորմալ աճին և  զարգացմանը:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը:

Հարգելի Hripsime, շնորհակալություն գնահատանքի և բարի խոսքերի համար: Մենք ընդամենը կատարում ենք մեր մասնագիտական պարտքը: Բարին ընդ Ձեզ: 

Հարգելի Hripsime, բարև Ձեզ: Մենք անկեղծորեն կիսում ենք Ձեր ուրախությունը և ցանկանում Ձեր բալիկին ամուր առողջություն:

Հարգելի Ani, բարև Ձեզ: Սրտի արատների դեպքում կանխատեսումը կախված է արատի տեղակայումից, դրա չափերից: Խնդրում եմ մանրամասնեք կոնկրետ սրտի որ արատի մասին է խոսքը, կփորձենք օգնել Ձեզ:

Հարգելի Hripsime, անհաս կոչվում են այն նորածինները, որոնք ծնվում են հղիության 37 շաբաթից շուտ ժամկետներում: Ձեր բալիկը ծնվել է 37 շաբաթից հետո, բացի դրանից նրա քաշը և հասակը նորմայի սահմաններում են, և անհասության մասին խոսք լինել չի կարող: Պատճառն այլ է:

Հարգելի LIANNA, Ձեր բալիկի մոտ դեֆեկտը գտնվում է ոչ թե միջնախասրտային միջնապատի, այլ միջփորոքայինի, որն ունի մկանային կառուցվածք: Իսկ օվալ անցքը գտնվում է միջնախասրտային միջնապատի վրա: Դեֆեկտի չափը կարելի է որոշել միայն էխոկարդիոգրաֆիայով: Եթե բժիշկը նշել է, որ դեֆեկտի չափերը փոքր են, ապա շատ մեծ հավանականություն կա, որ այն ինքնուրույն կփակվի, քանի որ երեխայի տարիքի հետ տեղի է ունենում նաև սրտի չափերի մեծացում և սրտի մկանային զանգվածի ավելացում, և քանի որ դեֆեկտի չափերը փոքր են միջնապատի մկանները ժամանակի ընթացքում ինքնուրույն կփակեն դեֆեկտը: Անհրաժեշտ է ուղղակի դինամիկ հսկողություն: Մեծ դեֆեկտների դեպքում բուժման միակ տարբերակը վիրահատականն է: Փոքր չափի դեֆեկտները, եթե նույնիսկ դրանք չփակվեն էլ, չեն խանգարում երեխայի հետագա նորմալ աճին և զարգացմանը: Հաճախ նման հիվանները նույնիսկ չեն իմանում իրենց հիվանդության մասին: Այո հնարավոր է, որ հղիության ընթացքում տարած սուր շնչառական վարակը նման խնդիր առաջացներ, նման խնդիր կարող է հանդիպել նաև ժամկետից շուտ ծնված, այսինքն անհաս նորածինների մոտ: